شیخوپورہ‘ مریدکے‘ فیروزوالہ(نمائندہ خصوصی+نامہ نگار)جی ٹی روڈ منوںآباد کے قریب ڈکیتی کے دوران مزاحمت پر کارسواروں اور ڈاکوئوںکے مابین فائرنگ کے نتیجہ میں ایک ڈاکو ہلاک ہوگیا جبکہ اسکے2 ساتھی فرار ہوگئے۔ ہلا ک ہونیوالے ڈاکو عابدکا تعلق چند روز قبل کانسٹیبل محمدبلال کو شہید کرنے والے ڈکیت گینگ سے ہے۔ بتایا گیا ہے کہ مذکورہ علاقہ میں عابد عرف بلا اور اسکے ساتھی ڈاکو ڈکیتی کی واردت میں مصروف تھے کہ کار سواروں کی مزاحمت پر انہوں نے فائرنگ کردی‘ دوسری جانب سے فائرنگ شروع کردی اور ڈاکو عابد   اپنے ہی ساتھی کی گولی کی زد میں آکر موقع پر ہلاک ہوگیا۔