برسی کا مرکزی اجتماع ایم کیوایم کے مرکزنائن زیروسے متصل خورشید بیگم میموریل ہال میں ہوا،جس میں شہید کی روح کے ایصال ثواب کے لئے قرآن خوانی وفاتحہ خوانی کی گئی۔اس موقع پرایم کیوایم کی رابطہ کمیٹی کے ڈپٹی کنوینرانیس احمد قائمخانی،اراکین کنور خالد یونس،واسع جلیل،سلیم تاجک،ڈاکٹر نصرت،کنورنوید جمیل،کیف الورٰی اور محترمہ نسرین جلیل،ایم کیوایم کے صوبائی اوروفاقی وزراء سمیت کارکنوں کی بڑی تعداد نے شرکت کی۔ اس موقع پرمرحوم عظیم احمد طارق سمیت دہشتگردی کے خلاف جنگ کے دوران جام شہادت نوش کرنے والے پاک فوج کے افسران و جوانوں کی مغفرت کے لئے بھی دعا کی گئی۔