کراچی میں اہم جماعتوں کے عسکری ونگ ہیں دہشت گردی کیخلاف متحد ہونیوالی جماعتیں سپریم کورٹ کے احکامات کویاد رکھیں. نواز شریف

مسلم لیگ نون کے صدرمیاں نوازشریف کراچی پہنچ گئےائیرپورٹ پر میڈیا سے گفتگو کرتے ہوئے ان کا کہنا تھا کہ پیپلزپارٹی کا کوئی ووٹ بنک نہیں اس لئے وہ گھبرارہے ہیں اور میدان سے اس لیے غائب ہیں کہ پانچ سالوں میں عوام کیلئے کچھ نہیں کیا،انہوں نے کہا کہ سابق حکومت گمراہ کرنے کی بجائے قوم سے معافی مانگے۔نواز شریف کا کہنا تھا کہ کراچی میں اہم پارٹیوں کے عسکری ونگ ہیں جس کی وجہ سے یہاں دہشتگردی کو کنٹرول کرنیوالا کوئی نہیں دہشت گردی کیخلاف متحد ہونیوالی جماعتیں سپریم کورٹ کے احکامات کویاد رکھیں.انہوں نے مزید کہا کہ عوام نے اقتدار میں آنے کا موقع دیا تو کراچی سے عسکری ونگ کا خاتمہ کریں گے اور کراچی کوپھر سے روشنیوں کا شہر بنائیں گے.