اداکارہ زارا اکبر اور ناصر چینوٹی آج سے ملتان بابر تھیٹر میں پرفارم کرینگے

لاہور (کلچرل رپورٹر) اداکارہ زارا اکبر اور ناصر چینوٹی آج ملتان بابر تھیٹر میں نئے شروع ہونے والے سٹیج ڈرامے ’’ دنیا پیتل دی ‘‘ میں پرفارم کریں گے ۔ ڈرامے کی دیگر کاسٹ میں عالیہ خان ، نیہا علی ، کوثر بھٹی اور آغا ماجد شامل ہیں ۔ ڈرامے کے پروڈیوسر ملک فرید اور ملک عمیر ہیں جبکہ ہدایات یوسف کامران کی ہیں ۔ اداکارہ زارا اکبر ملتان میں سٹیج ڈرامے کا سپیل مکمل کرنے کے بعد انگلینڈ روانہ ہو جائیں گی ۔