جلالپور بھٹیاں: 105 برس کے عبدالحمید گوگا پہلوان نے سالگرہ منائی، بیٹےپوتے، پوتیوں کی تعداد 350 ہے

جلالپور بھٹیاں (نامہ نگار) 105بہاریں دیکھنے والے عبدالمجید گوگا پہلوان  نے اپنے بیٹوں کیساتھ اپنی سالگرہ منائی۔ گوگا پہلوان کے اب سر کے بال دوبارہ سیاہ ہونا شروع ہوگئے اور دو دانت بھی نئے سرے سے نکل آئے ہیں۔ پنڈی بھٹیاں کے رہائشی اردو اور پنجابی سمیت متعدد زبانوں پر عبور رکھنے والے عبدالمجید گوگا پہلوان نے بتایاکہ اس نے تین شادیاں کیں تاہم اولاد ایک بیوی سے ہوئی۔ ایک شادی انڈیا، ایک انڈونیشیا اور ایک پاکستان میں کی۔ میرے بڑے بیٹے کی عمر 60سال جبکہ میرے بیٹے بیٹیوں، پوتے پوتیوں، نواسے نواسیوں، پڑپوتے پڑپوتیوں، پڑنواسے اور پڑناسیوں کی تعداد 350کے قریب ہے۔ بابا گوگا پہلوان نے بتایاکہ 1910ء کو میں جالندھر میں پیدا ہوا، میری ملاقات چار مرتبہ قائد اعظمؒ، تین مرتبہ لیاقت علی خاںؒ اور تین مرتبہ علامہ اقبالؒ سے ملاقات ہوئی۔