ساہیوال/ چیچہ وطنی /کوہاٹ (نامہ نگار+ آن لائن) ٹریفک حادثات کے دوران 3 خواتین سمیت 7 افراد جاں بحق، 4 زخمی ہو گئے۔ تفصیل کے مطابق ساہیوال میں جی ٹی روڈ پر 6والا پھاٹک کے قریب تیز رفتار کار نے کیری ڈبہ کو ٹکر مار دی جس سے کیری ڈبہ الٹ کر قلابازیاں کھا کر دور جاگرا جس کے نتیجہ میں کیری ڈبہ میں سوار محمدسلیم، سمیع اﷲ اور ایک خاتون امہ ہانی جاں بحق ہو گئے جبکہ دونوں گاڑیوں میں سوار 4افراد زخمی ہو گئے جنہیں ریسکیو 1122نے ہسپتال منقل کر دیا جبکہ جی ٹی رو ڈ پر ویو موڑ کے قریب یو ٹرن پر ٹرک نے موٹر سائیکل کو ٹکر مار دی جس کے نتیجہ میں فاروق جاں بحق ہو گیا۔ دوسری جانب کوہاٹ میں کوتل روڈ پر ڈمپر اور وین میں تصادم کے نتیجے میں دو خواتین سمیت تین افراد جاں بحق ہو گئے۔ زخمیوں کو پوسٹمارٹم کیلئے ہسپتال منتقل کر دیا گیا۔