پشاور: مسجد کے قریب دستی بم حملہ، 14 افراد زخمی

پشاور (نوائے وقت رپورٹ) پشاور میں تہکال بالا کے علاقے برہجرہ میں دینی مسجد کے قریب دستی بم کے حملے میں 14 افراد زخمی ہوگئے۔ پولیس کے مطابق زخمیوں کو طبی امداد کیلئے خیبرٹیچنگ ہسپتال منتقل کردیا گیا جن میں 3 کی حالت نازک بتائی جا رہی تھی۔ پولیس نے علاقے میں سرچ آپریشن شروع کردیا۔ حملے کا خدشہ بھتہ خوروں پر کیا جا رہا ہے۔ ایس پی کینٹ کے مطابق ایک حملہ آور لوگوں کی فائرنگ سے زخمی ہوگیا جس کی ہسپتال میں حالت نازک ہے۔