کویت (عبدالشکور ابی حسن) پاکستان عوامی سوسائٹی کویت ویمن ونگ کے زیراہتمام اسریٰ و المعراج کی مناسبت سے ٹائز سنٹر الشہداءمیں عظیم الشان محفل حمدونعت کا انعقاد ہوا جس میں کویت میں مقیم مختلف طبقہ فکر سے تعلق رکھنے والی خواتین کی کثیر تعداد نے شرکت فرمائی۔ محفل کا آغاز مناہل سمیر نے تلاوت قرآن حکیم سے کیا جبکہ حمد باری تعالیٰ کی سعادت فائزہ سجاد نے حاصل کی۔ نقابت کے فرائض خوش اسلوبی سے سرانجام دیتے ہوئے کنزہ سعید نے نعتیہ اشعار پیش کئے۔ محدت رسول کی سعادت اریج امتیاز‘ ایمان زبیر‘ عاصمہ ظفر‘ عائشہ تبسم‘ زینب تبسم‘ عدینہ قادری‘ قراہ العین رشید اور منزہ قادری نے حاصل کی۔ نامور مذہبی اسکالر نادیہ یاسین قادری اور پروفیسر ڈاکٹر سید عبدالرحمن نے اسریٰ و المعراج کے موضوع پر خصوصی خطاب کیا جس سے حاضرین کے قلوب و اذہان کو ایمان پرور تازگی حاصل ہوئی۔ محفل کے اختتام پر تمام ثنا خوانان رسول نے مل کر ہدیہ سلام پیش کیا اور مسز نسیم اختر نے اسلام کی سربلندی اور پاکستان کی سلامتی کیلئے اللہ کے حضور دعا کرائی ۔