برلن(سپورٹس ڈیسک)جرمن فٹبال لیگ، بائرن میونخ نے وولفزبرگ کو 6-0سے شکست دیدی۔جرمن فٹبال لیگ میں بائرن میونخ نے وولفزبرگ کو صفر کے مقابلے میں چھ گول سے شکست دے دی۔ فاتح ٹیم کے لیون ڈوسکی نے دو بار گیند کو جال میں پھینکا۔ بندس لیگا میں بائرن میونخ 73 پوائنٹس کے ساتھ سرفہرست ہے۔ فٹبال لیگ بندس لیگا کے مقابلے جرمنی میں جاری ہیں۔گزشتہ روز بائرن میونخ اور وولفز برگ کی ٹیمیں مدمقابل ہوئیں۔ وولفزبرگ کی ٹیم میچ کے شروع سے ہی دباﺅ کا شکار دکھائی دی۔بائرن میونخ کو ہاف ٹائم پر صفر کے مقابلے میں تین گول کی برتری حاصل تھی۔ پہلا گول الابا نے کیا جبکہ لیون ڈوسکی نے دو بار گیند کو جال میں پھینکا۔ وولفز برگ دوسرے ہاف میں بھی بے بسی کی تصویر بنی رہی۔ دوسرے ہاف میں بائرن میونخ کے رابن، مولر اور کی مچ نے ایک ایک گول کیا۔ اس طرح بائرن میونخ نے صفر کے مقابلے میں چھ گول سے میچ جیت لیا۔ بندس لیگا میں بائرن میونخ 73 پوائنٹس کے ساتھ سرفہرست ہے۔