پیرس: یوم مزدورکے موقع پر پیلی جیکٹ والوں کا مظاہرہ

پیرس(این این آئی) یوم مزدورکے موقع پر فرانسیسی دارالحکومت پیرس میں پیلی جیکٹ والوں کی طرف سے بڑے مظاہرے کیے گئے ۔ اس موقع پر حالات بگڑنے کی توقع کی جا رہی ہے کیونکہ حکومت احتجاج کے خلاف مکمل عدم برداشت کی پالیسی کا اعلان کر چکی ہے۔غیرملکی خبررساں ادارے کے مطابق پیرس میں اس وقت قریب ساڑھے سات ہزار پولیس اہلکار تعینات تھے، وزیر داخلہ کے مطابق متعدد گروپوں کی جانب سے آن لائن پلیٹ فارمز پر لوگوں کو باہر نکلنے کے لیے اکسایاگیا اور حکام کے پاس ایسی معلومات بھی ہیں کہ ان مظاہروں میں ایک سے دو ہزار کافی سخت گیر نظریات کے حامل افراد شریک ہوئے جو امن و امان کی صورتحال خراب کرنے کے لیے بلائے گئے تھے ۔