چین سے طبی سامان لیکر خصوصی طیارہ اسلام آباد پہنچ گیا

اسلام آ باد (وقائع نگار خصوصی) کرونا وائرس کیخلاف جنگ میں چین سے طبی سامان لیکر خصوصی طیارہ پاکستان پہنچ گیا ، سامان میں ماسک،گلوز،ٹیسٹنگ کٹس، حفاظتی لباس شامل ہے۔ تفصیلات کے مطابق قومی ایئرلائن پی آئی اے کا خصوصی طیارہ چین سے طبی سامان لیکرپاکستان پہنچ گیا، پرواز پی کے 8852بیجنگ سے اسلام آباد ایئرپورٹ پہنچی ، سامان میں ماسک،گلوز،ٹیسٹنگ کٹس،حفاظتی لباس شامل ہے۔ جہازسے اتارنے سے پہلے سامان پرجراثیم کش اسپرے کیاگیاطیارے میں عملے کے ساتھ2مسافربھی اسلام آبادپہنچے ہیں جنہیں قرنطینہ سینٹرمنتقل کردیاگیا۔