صدر ڈاکٹر عارف علوی نے کرونا وائرس کی وباء کی روک تھام میں کامیابی کیلئے تمام متعلقہ فریقوں کے درمیان اتحاد کی ضرورت پر زور دیا ہے۔وہ کراچی میں پاکستان اسلامک میڈیکل ایسوسی ایشن اور پاکستان میڈیکل ایسوسی ایشن کے وفود سے گفتگو کررہے تھے۔صدر نے کہا کہ وبا کے خلاف صف اول کا کردار ادا کرنے پر ڈاکٹر اور طبی عملہ لائق تحسین ہے۔انہوں نے کہا کہ طبی عملے کا تحفظ حکومت کی اولین ترجیح ہے۔