بھریا کے گائوں میں آتشزدگی،10 گھر خاکستر

پڈعیدن(نامہ نگار)بھریاسٹی کے نواحی گاؤں حاجی اللہ ورایو خاصخیلی میں اچانک آگ لگ گئی تیز ہوائوں کے باعث آ گ کے بے رحم شعلوں نے دیکھتے ہی دیکھتے دس گھروں کو اپنی لپیٹ میں لے لیا متاثرین محنت کشوں میں محمد ہاشم خاصخیلی،نظام خاصخیلی،مومن خاصخیلی،بگو خاصخیلی،حکیم خاصخیلی،عطامحمد خاصخیلی،قربان خاصخیلی،گلو خاصخیلی،امداد خاصخیلی، سمیت دیگر گھروں کو آگ نے اپنی لپیٹ میں لے کر مکمل طور پر جلا کر خاکستر کردیا جبکہ گھروں میں رکھا لاکھوں روپے مالیت کا قیمتی سامان ،بچیوں کے جہز کا سامان زیور، نقدی گندم،بستر چارپائیاں سمیت دیگر تمام سامان جل کر خاکستر ہو گیا،متاثرین بچوں خواتین نے بھاگ کر بمشکل جان بچائی گاؤں والوں نے اپنی مدد آپ کے تحت آ گ پر قابو پایا متاثرین نے احتجاج کرتے ہوئے ڈپٹی کمشنر کیپٹن ریٹائرڈ بلال شاہد راؤ اور مخیر حضرات سے اپیل کی ہے کہ ہماری مالی امداد کی جائے ہمارے بچے کھلے آسمان تلے زندگی گزارنے پر مجبور ہیں۔