سلطان کالونی ،ظریف شہید (نامہ نگار) آتشزدگی سے 10جانور ہلاک  ،ہارڈویئرکی دکان میں لاکھوں کا سامان جل گیا تفصیل کے مطابق سلطان کالونی کھوہ کالے والا کے رہا ئشیغلام حسین بلوچ کے جانوروں کے باڑے میں اچانک آگ بھڑک اٹھی۔ جس کے باعث 10 جانور جل کرہلاک ہو گئے جبکہ 4 جھلس گئے۔ایک نوجوان بھی آگ کی زد میں آکر جھلس گیا۔ آگ نزدیک پڑی توڑی اور کھیتوں کی طرف پھیلنے لگی تو اس موقع پر اطلاع ملتے ہی ریسکیو 1122اور فائربرگیڈ کی گاڑیاں موقع پر پہنچ گئیںاور آگ پر قابو پایا۔ متاثرہ غلام حسین کے مطابق ہمارے چھوٹے بچوں کی شرارت سے آگ لگنے کا واقعہ رونما ہوا۔ظریف شہیدسے نامہ نگار کے مطابق ہارڈویئر اور گیس سلنڈر کی دکان میں میں آتشزدگی سے  لاکھوں روپے کا سامان جل گیا۔  ایس  ایچ  او   قسور بھٹی اور ڈی ایس پی گل حسن کی قیادت میں بھاری نفری کے ہمراہ جائے وقوعہ پر پہنچ  گئے۔ فائربرگیڈ شجاع آباد موقع پر پہنچی لیکن آگ پر قابو پانے میں ناکام رہی کیونکہ آگ کی شدت تیز تھی اور پانی ختم ہو گیا تھا. دکان مالک خالد آرائیں، ملک ناصر سے رابطہ کرنے کے لئے کوشش کی لیکن وہ کچھ نہ بتا سکے۔ جب کہ انجمن تاجران کے صدر آصف سونو، شوکت علی غوری، حافظ اکرم میو، نعمان یوسف، رانا محمد نواز، چوہدری قیوم میو ودیگرجائے وقوعہ پر پہنچ گئے انہوں نے  مطالبہ کیا ہے کہ شہر میں فوری طور پر فائربرگیڈ فراہم کی جائے۔