معاشرتی مسائل کا حل قرآن و حدیث میں پوشیدہ ہے: امان اللہ سوہل 

جھبراں (نامہ نگار)معروف سماجی شخصیت امان اللہ سوہل نے کہا ہے کہ ہمارے معاشی معاشرتی سیاسی و سماجی مسائل کا حل قرآن و حدیث کی روشن و سنہری تعلیمات میں پوشیدہ ہے اگر ہم دنیا میں باوقار کار اور آخرت میں کامیابی چاہتے ہیں تو پھر ہمیں اللہ اور اس کے محبوب پیغمبر حضرت محمد صلی اللہ علیہ وآلہ وسلم کی ذات اقدس کو رول ماڈل بنانا ہوگا ، آج مسلمان فانی دنیا میں دل لگا بیٹھا ہے آخرت کو بھول کر چند روزہ عیش و عشرت کی خاطرجھوٹ فراڈ ، ناپ تول میں کمی وعدہ خلافی ، کرپشن اور دیگر معاشرتی برائیوں میں گر چکا ہے جبکہ غیر مسلم ایسی بری عادات سے بچ کر ہم سے آگے اور دنیا میں ترقی کر رہا ہے ، اپنے ایک بیان میںامان اللہ سوہل نے کہا کہ اللہ رب العزت کی رحمتوں برکتوں اورعنایات کے حصول کی خاطر ہمیں رجوع الٰہی کرنا ہوگا ۔