فیروزوالہ:وارداتیں، شہری لاکھوں کی نقدی،قیمتی سامان سے محروم

 فیروزوالہ( نامہ نگار) ڈکیتی راہزنی اور چوری کی 15 وارداتوں کے دوران ڈاکوو¿ں نے شہریوں کو لاکھوں روپے مالیت کے قیمتی سامان سے محروم کردیا۔ ڈاکوو¿ں نے مزاحمت کرنے پر بیدیاں لاہور کے رہائشی 2 افراد مصطفیؒ اور محمد اسحاق کو فائرنگ کر کے شدید زخمی کر دیا اور فرار ہوگئے ۔جی ٹی روڈ کے بعد ہی رانا ٹاو¿ن کے قریب ڈاکو نے لال دین موٹر سائیکل کو روک کر لوٹ لیا۔ ڈاکو نے اس سے 2 لاکھ روپے رقم اور دیگر سامان چھین کر لے گئے۔ لاہور کے رہائشی مصطفی اور اسحاق موٹر سائیکل پر سوار ہو کرشیخوپورہ کے راستہ نوشہرہ دوائی لینے جا رہے تھے ڈاکوو¿ں نے ان کی موٹرسائیکل روکنے کی کوشش کی تو نہ روکنے پر ڈاکوو¿ں نے فائرنگ کرکے دونوں کو زخمی کر دیا۔اسی علاقہ میں 2 ڈاکوو¿ں نے رکشہ میں سوار مویشیوں کے 3 تاجروں کامران جمشید خان اور فیروز خان سے مجموعی طور پر 11 لاکھ روپے اور 3 قیمتی موبائل فون چھین کر فرار ہوگئے ۔بتی چوک میں بھی 2 ڈاکو ویگن میں سوار پولیس اہلکار بلال مصطفی کا موبائل فون چھین کر فرار ہوگئے۔تھانہ سٹی اے ڈویژن پولیس کے علاقہ صدیقہ کالونی میں نقب زنوں کا گروہ محنت کش محمد یوسف کے گھر کا صفایا کردیا۔ وہاں سے محنت کش کی بیٹی کی شادی کے زیورات ،کپڑوں سمیت لاکھوں روپے مالیت کا سامان نکال کر لے گیا۔ لاہور روڈ پر جمیل ٹاو¿ن کے قریب 2 ڈاکوو¿ں نے ایک موٹرسائیکل سوار شیراز گارڈن کے رہائشی شخص ظہیر عباس بھٹی سے 75000 روپے اور موبائل چھین لیا۔شرقپور روڈ پر ناکہ لگا کر کھڑے 4 ڈاکوو¿ں نے ایک کار کو روک کر اس میں سوار دلاور حسین سے 60 ہزار روپے اور 80 ہزار روپے مالیت کا موبائل فون چھین کر فرار ہوگئے۔ 2 موٹرسائیکل سوار ڈاکو وحید احمد سے 90 ہزار روپے چھین کر فرار ہوگئے۔ کال اور ڈاکوو¿ں نے ارشدعلی کے ڈیرے میں داخل ہوکر ملازمین کو یرغمال بنا کر لاکھوں روپے مالیت کے بکرے چھین کرلے گئے۔