نوشہرہ ورکاں (نمائندہ نوائے وقت) تحصیل بار ایسوسی ایشن اور جماعت اسلامی نے کسانوں سے اظہار یک جہتی کا اظہار کرتے ہوئے حکومت کی ناقص پالیسوں پر شدید تنقید کی ہے تحصیل بار کے صدر چوہدری ظہیر اکرم گورائیہ، جنرل سیکرٹری بار راؤ سبطین علی خان جماعت اسلامی کے زونل امیر سردار عبد الرزاق اور میاں لیاقت علی نے کہا ہے کہ کسانوں نے مہنگا ڈیزل اور کھاد خرید کر گندم کی فصل تیار کی مگر حکومت نے گندم کی قیمت بڑھانے کی بجائے گزشتہ سال والی سرکاری قیمت ہی برقرار رکھی۔ اور اب سرکاری ریٹ پر گندم خریدنے کے لئے تیار نہیں ہے۔