ٹی20ورلڈکپ ‘ 15رکنی آسٹریلوی سکواڈ کا اعلان ‘سٹیو سمتھ‘لابو شین آئوٹ

 لاہور(سپورٹس رپورٹر)آئی سی سی ٹی20ورلڈکپ 2024کیلئے آسٹریلیا نے 15رکنی سکواڈ کا اعلان کردیا۔کرکٹ آسٹریلیا نے سٹار بیٹر مچل مارش کو ٹیم کا کپتان مقرر کیا ہے۔ سینئر کھلاڑیوں میں سٹیو سمتھ اور مارنوس لابوشین سکواڈ میں جگہ بنانے میں ناکام رہے ہیں۔سلیکشن کمیٹی کے سربراہ جارج بیلی نے ٹیم اعلان کرتے ہوئے کہا کہ انجری سے نجات حاصل کرنے والے ایشٹن ایگر کی ٹیم میں واپسی ہوئی ہے، جس سے بائولنگ اٹیک کو سہارا ملے گا۔سکواڈ میں کپتان مچل مارش، ایشٹن ایگر، پیٹ کمنز، ٹم ڈیوڈ، نیتھن ایلس، کیمرون گرین، جوش ہیزل ووڈ، ٹریوس ہیڈ، جوش انگلس، گلین میکسویل، مچل سٹارک، مارکس سٹونیس، میتھیو ویڈ، ڈیوڈ وارنر، ایڈم زمپا شامل ہونگے۔