دورہ انگلینڈ ‘پاکستان ویمنز کرکٹ ٹیم کا اعلان ‘ندا ڈا رکپتان برقرار

لاہور(سپورٹس رپورٹر)دورہ انگلینڈ کیلئے پاکستان کی 17 رکنی خواتین کرکٹ ٹیم کا اعلان کر دیا گیا ہے، ندا ڈار ٹیم کی قیادت کریں گی۔دورے میں پاکستان ویمنز ٹیم 3 ٹی ٹونٹی اور 3 ون ڈے میچز کھیلے گی، ون ڈے سیریز آئی سی سی ویمنز چیمپئن شپ کا حصہ ہے۔پاکستان ویمنز ٹیم کی آئی سی سی ویمنز چیمپئن شپ میں یہ آٹھویں اور آخری سیریز ہو گی۔ندا ڈار کو کپتان برقرار رکھا گیاہے ۔پاکستان خواتین ٹیم کے سکواڈ میں عالیہ ریاض، عائشہ ظفر، ڈیانا بیگ، فاطمہ ثناء ، گل فیروزہ، منیبہ علی، نجیہہ علوی، نشرح سندھو اور نتالیہ پرویز شامل ہیں۔رامین شمیم، صدف شمس، سعدیہ اقبال، سدرہ امین، طوبیٰ حسن، امِ ہانی اور وحیدہ اختر کو بھی منتخب کیا گیا ہے۔پاکستان ویمنز ٹیم 5 مئی کو کراچی سے براستہ دبئی انگلینڈ کیلئے روانہ ہو گی۔