بچیکی (نامہ نگار) ڈاکوؤں نے شہریوں سے لاکھوں روپے اور موبائل فونز چھین لیے۔ تفصیلات کے مطابق غلہ منڈی کا آڑھتی رائے جاوید اپنے زرعی رقبہ واقع برخوردار پر گندم کی کٹائی دیکھنے جا رہا تھا کہ راستے میں موٹر وے سروس روڈ پر پل سیم نالہ بحدود تھانہ بڑاگھر تین ڈاکوؤں نے روک کر 35000 روپے اور موبائل فون چھین لیا۔ اس دوران دیگر راہ گیروں شاہ جہاں اور اسکی بہن شاہدہ بی بی سے پچاس ہزار روپے اور موبائل ‘ محمد نسیم سے 35000 روپے اور موبائل‘ شوکت علی سے 30000 روپے چھین لیے۔ تھانہ بڑاگھر پولیس نے ملزموں کی تلاش شروع کر دی۔