کراچی (نوائے وقت رپورٹ+ کرائم رپورٹر) شہر قائد میں اتوار کے روز فائرنگ کے واقعات میں پیپلز پارٹی کے سابق کونسلر سمیت 5 افراد جاں بحق ہوگئے۔ تفصیلات کے مطابق لیاری میں میوہ شاہ روڈ پر موٹرسائیکل سواروں کی فائرنگ سے پیپلز پارٹی کے سابق کونسلر 45 سالہ نذیر بلوچ جاں بحق ہوگئے۔ ان کا تعلق عزیر بلوچ گروپ سے بتایا گیا ہے۔ ڈیفنس میں فائرنگ سے ایک شخص سہراب گوٹھ میں 22 سالہ سلمٰی جاں بحق ہوگئی۔ ادھر کورنگی سے ایک نوجوان کی مسخ شدہ نعش ملی۔ ڈیفنس فیز فائیو میں منظور وسان کے ایس ایس پی بھانجے محمد علی وسان کے ذاتی محافظ نے فائرنگ کر کے ایک شخص کو زخمی کر دیا۔ ڈیفنس کے علاقے خیابان محافظ میں گولیاں لگنے سے نجی کمپنی کا سکیورٹی گارڈ سہیل دم توڑ گیا۔
کراچی/ ہلاکتیں