پی سی بی نے دورہ نیوزی لینڈ کیلئے مینجمنٹ کا اعلان کردیا، وسیم باری منیجر مقرر

لاہور:پاکستان کرکٹ بورڈ نے دورہ نیوزی لینڈ کیلئے منیجمنٹ کا اعلان کردیا۔ وسیم باری دورے میں منیجر ہوں گے۔ بولنگ کوچ اظہر محمود آج ٹیم کو جوائن کریں گے۔پاکستان کرکٹ بورڈ نے قومی ٹیم کے دورہ نیوزی لینڈ کیلئے میجنمنٹ کا اعلان کردیا۔ پی سی بی کے مطابق شاہد اسلم انچارج ٹور آپریشنز جبکہ لیفٹننٹ کرنل ریٹائرڈ احمد ایاز کو سیکورٹی منیجر مقرر کیا گیا ہے۔ پی سی بی کی جانب سے ٹیم مینجمٹ کے اعلان کے مطابق مکی آرتھر ہیڈ کوچ، گرانٹ فلاور بیٹنگ کوچ اور گرانٹ لوڈن فٹنس کوچ ہوں گے۔ اس کے علاوہ باﺅلنگ کوچ اظہر محمود بھی آج سے ٹیم کو جوائن کریں گے۔ پاکستان اور نیوزی لینڈ کے درمیان دو ٹیسٹ میچز کی سیریز کا آغاز سترہ نومبر سے کرائسٹ چرچ میں ہوگا. تاہم پاکستان ٹیم پانچ نومبر کو یو اے ای سے نیوزی لینڈ روانہ ہوگی۔