ٹورنٹو(آئی این پی) کینیڈین وزیراعظم جسٹن ٹروڈو کا مغربی تہوارہالووین کیلئے اپنایا گیاسپر مین کا انداز سوشل میڈیا پر وائرل ہوگیا۔غیر ملکی میڈیا کے مطابق ٹروڈو مغربی تہوارہالووین کیلئے سپرمین کا انداز اپنا کرایک بار پھر لوگوں کی توجہ کا مرکز بن گئے۔ کینیڈین وزیراعظم نے پارلیمنٹ میں منعقد ہالووین کی تقریب میں مشہورسپرہیروسپرمین کی طرح اندازاپناکر سب کو حیران کردیا۔تقریب میں پہلے تو ٹروڈو سپر مین کی شخصیت کے ایک اورروپ کلارک کینٹ کی طرح حلیہ بنا کرآئے ان کا ہیئر سٹائل اور چشمہ پہننے کا انداز بالکل کلارک کینٹ کی طرح تھا۔ ایک صارف نے لکھا کہ جسٹں ٹروڈو آج اپنی ڈیوٹی پر گھر سیکلارک کینٹ کا انداز اپناکر پارلیمنٹ آئے۔ایک اور صارف نے لکھا اوہ میرے خدا! کیا کوئی لیڈر اتنا کول (مزاحیہ مزاج)کا ہوسکتا ہے۔