لندن (آئی این پی)برطانوی فٹ بائولر ڈیوڈ بیکھم گھر کا فریج ٹھیک کرنے میں ناکام ہو گئے۔ضروری نہیں اچھا فٹ بالر اچھا میکینک بھی ہو، اس بات کا صحیح مطلب وکٹوریہ بیکھم کی جانب سے سوشل میڈیا پرشیئر کی گئی تصاویر کو دیکھنے کے بعد سمجھ میں آئے گا، جن میں دنیائے فٹ بال کے مایہ ناز پلیئر اور ان کے شوہر ڈیوڈ بیکھم اپنے گھر کا فریج ٹھیک کرنے کی ناکام کوشش کرر ہے ہیں ۔وکٹوریہ بیکھم نے کام کے دوران اتاری گئیں شوہر کی تصاویر شیئر کرتے ہوئے اپنے شوہر کو یہ پیغام بھی دیا کہ دل پہ مت لینا، کسی پروفیشنل کو بلا لیتے ہیں۔