گجرات: سڑک کنارے کھڑے ٹرک سے کار کی ٹکر‘2بھائی بیویوں سمیت جاں بحق

گجرات (نامہ نگار) تیز رفتار کار ٹائر پھٹ جانے کے باعث سڑ ک کنارے کھڑے ٹرک سے جا ٹکرائی جس کے نتیجہ میں 2 بھائی بیویوں سمیت جاں بحق ہو گئے۔ تفصیل کے مطابق دیونہ منڈی کے قریب تیز رفتار کار ایل زیڈ سی 7765 سڑک کنارے خراب کھڑے ٹرک نمبر جی ایل ٹی 3417 سے ٹکرا گئی جس کے نتیجہ میں کار میں سوار عارف حسین، شاہد حسین پسران غلام رسول، نسیم شاہد زوجہ شاہد حسین، فضیلت بی بی زوجہ عارف حسین سکنائے راولپنڈی دم توڑ گئے جن کی نعشیں ریسیکو عملہ نے گاڑی کے دروازے کو کاٹ کر باہر نکالیں گئی۔