چار ڈاکو ئوں نے گھر سے گن پوائنٹ پر60 ہزار روپے اورموبائل فون لوٹ لئے

راولپنڈی ،اسلام آباد (اپنے سٹاف رپورٹر سے) ڈکیتی ، چوری کی وارداتوں میں شہری لٹ گئے تھانہ نصیر آباد کو فرمان علی نے بتایا کہ ڈھوک مستقیم میں چار مسلح ڈاکو میرے گھر داخل ہوئے اور گن پوائنٹ پر60 ہزار روپے اور موبائل فون چھین لئے ڈاکوئوں نے مذاحمت پر مدعی کے دونوں بیٹوں اسد علی اور سجاد علی کو زخمی کردیا تھانہ سول لائن کو ذوالفقار حیدر نے بتایا کہ گلستان کالونی میں میری کرولا کار نمبرLEA - 652 چوری ہوگئی تھانہ ویسٹریج کو وقاص احمد نے بتایا کہ پشاور روڈ سے میری GLI کرولا کار نمبرADD - 530 چوری ہوگئی تھانہ پیرودھائی کوسیف الرحمٰن نے بتایا کہ بنگش کالونی میں میری مہران کار نمبرNA - 643 چوری ہوگئی تھانہ سول لائن کو میجر عامر حیات خان نے بتایا کہ عسکری7 میں حامد جلیل خان نے مجھ سے امانتاً رقم لی جو اب مجھے واپس نہیں دے رہا تھانہ پیرودھائی کو فرخ نسیم نے بتایا کہ مین روڈ سے ایک موٹر سائیکل سوار مجھ سے موبائل فون چھین کر فرار ہوگیاتھانہ کوہسار کو تابش محمد نے بتایا کہ سیکٹر ایف سکس ون میں میرے ریسٹورنٹ سے دو لاکھ روپے مالیتی اوون ، جنریٹر ، پرنٹر ، کراکری چوری کرلی گئی تھانہ شالیمار کو برکت اللہ نے بتایا کہ ایف ٹین مرکز میں نے ویگو ڈالا فروخت کرکے رقم 24 لاکھ روپے اپنے کزن کو دئے جو خوردبرد کرلئے گئے ۔