انڈر 15 ساف فٹبال چیمپئن شپ ‘ پاکستان نیپال کر ہرا کر فائنل میں پہنچ گیا

لاہور (سپورٹس رپورٹر+نمائندہ سپورٹس ) انڈر 15 ساف فٹبال چیمپیئن شپ کے سیمی فائنل میں پاکستان ٹیم نے میزبان نیپال کو شکست دیکر فائنل میں جگہ بنا لی۔ نیپال میں جاری ٹورنامنٹ میں پاکستان ٹیم نے شاندار کارکردگی کا مظاہرہ کرتے ہوئے سیمی فائنل میں میزبان ٹیم کو صفر کے مقابلے چار گول سے مات دیکر فائنل میں رسائی حاصل کی جہاں کا مقابلہ دوسرے سیمی فائنل کی فاتح بنگلہ دیش ٹیم سے ہوگا۔ پاکستان فٹ بال فیڈریشن کے صدر فیصل صالح حیات نے قومی ٹیم کے کھلاڑیوں اور کوچز کے علاوہ پوری قوم کو مبارکباد۔ ان کا کہنا تھا کہ ساف انڈر 15 چیمپئن شپ میں پاکستان ٹیم نے قوم کا سر فخر سے بلند کر دیا ہے۔ کئی سال کے تعطل کے بعد پہلے ہی یوتھ ایونٹ کے فائنل میں رسائی خوش آئند ہے۔ نو عمر کھلاڑیوں نے پاکستان فٹبال کے روشن مستقبل کی نوید سنا دی۔ ٹورنامنٹ کا فائنل میچ کل بروز ہفتہ کو کھیلا جائیگا۔ بنگلہ دیش نے سیمی فائنل میں دفاعی چیمپئن بھارت کو شکست دیدی ۔ فائنل پاکستان کے ساتھ ہوگا۔