لاہور(سپورٹس رپورٹر)پاکستان سْپر لیگ میں لاہور قلندرز اور ورلڈکپ ٹی ٹونٹی میں نمیبیا کے آل راؤنڈر ڈیوڈ ویسا نے کہا ہے کہ پاکستان کی بیٹنگ بابر اعظم کے گرد گھومتی ہے۔ بابراعظم اور ویرات کوہلی میں سے کسی ایک کا انتخاب کرنا بہت مشکل ہے۔ بابر ٹی ٹونٹی فارمیٹ میں نہایت مستقل مزاجی سے پرفارمنس دیتے ہیں، بابراعظم اوپننگ کرتے ہیں اور پوری اننگز بیٹنگ کرتے ہیں۔ ویرات کوہلی بابر اعظم سے تھوڑا سا زیادہ جارحانہ مزاج سے کھیلتے ہیں۔