لاہور(سپورٹس ڈیسک)جرمنی کے نامور ٹینس سٹار اور ایونٹ کے سیکنڈ سیڈڈ الیگزینڈر زویرو نے ویانا اوپن ٹینس ٹورنامنٹ جیت لیا ۔ انہوں نے مینز سنگلز فائنل میچ میں امریکہ کے فرانسس ٹیافو کو شکست دے کر اپنا پانچواں ٹور لیول ٹائٹل اپنے نام کرلیا۔ اے ٹی پی کے زیراہتمام ویانا اوپن کے دلچسپ مقابلے آسٹریا میں جاری تھے جس کے مینز سنگلز فائنل میچ میں جرمنی کے نامور ٹینس سٹار اور ایونٹ کے سیکنڈ سیڈڈ الیگزینڈر زویرو نیعمدہ کھیل پیش کرتے ہوئے امریکہ کے حریف کھلاڑی فرانسس ٹیافو کو سٹریٹ سیٹس میں 5-7 اور 4-6 سے ہر اکر ٹورنامنٹ جیت لیا۔ جرمنی کے 24 سالہ الیگزینڈر زویرو نے 23 سالہ امریکی کوالیفائر حریف کو  شکست دے کر رواں سیزن میں اپنا  پانچواں ٹور لیول ٹائٹل اپنے نام کیا۔زویرو ٹوکیو میں اولمپک گولڈ بھی جیت چکے ہیں ۔