ہوسٹن، ہالووین ویک اینڈ پر فائرنگ سے کم از کم 7 ہلاک، 17 زخمی

ہوسٹن میں ہالووین ویک اینڈ پر فائرنگ کے ایک درجن مختلف پرتشدد واقعات میں کم از کم 7 افراد ہلاک اور 17 زخمی ہو گئے ہیں۔مقامی میڈیا اے بی سی 13 کے مطابق جمعہ کی رات ہو سٹن بھر میں فا ئرنگ کے مختلف واقعات میں ایک خاتون ہلاک اور 5 افراد زخمی ہوئے ہیں، جن میں سے ایک کی عمر 17 برس بتائی گئی ہے۔رپورٹ میں بتا یا گیا ہے کہ ہفتہ کی صبح شمال مغربی کانٹی ہیرس میں پارٹی ہال کے قریب کمسن لڑکی کو گولی ماری گئی اور ہوسٹن کے جنوب مغرب میں ڈکیتی کے دوران ایک شخص کو گولی مار دی گئی۔حکام کے مطابق اسی روز ہوسٹن کے جنوب مغرب میں ایک خاتون نے فائرنگ سے اپنی ماں کو ہلاک اور والد کو زخمی کرنے کے بعد پولیس اہلکار کا روپ دھار لیا۔اتوار کو آدھی رات کے بعد ہوسٹن کے جنوب مشرق میں گولی لگنے سے ایک شخص ہلاک اور گھر کے باہر ایک نوجوان زخمی ہو گیا ہے، فائرنگ کرنے والا تاحال فرار ہے۔اتوار کے روز دن بھر میں ٹیکساس کے سب سے بڑے شہر میں کم از کم تین مختلف فائرنگ کے واقعات میں 2 لوگ ہلاک اور 6 دیگر زخمی ہو گئے ہیں، جن میں ایک سالہ بچہ اور اس کے والد تیز رفتار ڈرائیور کی فائرنگ کا نشانہ بنے۔