نوشہرہ ورکاں (نمائندہ نوائے وقت) گورنمنٹ بوائز ہائی سکول گرمولہ ورکاں کے کلرک صادق حسین محکمہ تعلیم میں 35 سالہ سروس کے بعد ریٹائر ہو گئے  پرنسپل محمد بشیر مجاہد، سکول سٹاف اور اپیکا کے راہنماؤں نے ان کے اعزاز میں الوداعی تقریب کا اہتمام کیا مقررین نے ریٹائرڈ ہونے والے صادق حسین کو فرائض کی بروقت ادائیگی بہتر خدمات اور ساتھیوں سے حسن سلوک پر خراج تحسین پیش کرتے ہوئے کہا کہ وہ محکمہ تعلیم کا ایک قیمتی اثاثہ تھے جو محکمہ کے لئے نیک نامی کا باعث بنے جس پر ہمیں فخر ہے ان کی خدمات نئے ملازمین کے لئے مشعل راہ ہیں ریٹائر ہونے والے کلرک صادق حسین نے اپنے اعزاز میں الوداعی تقریب منعقد کرنے پر ساتھیوں کا شکریہ ادا کیا آخر میں سکول سٹاف نے انہیں تحائف دعاؤں اور نیک خواہشات کے ساتھ رخصت کیا۔