تیکوانڈو ریسلینگ ’’جوڈو‘‘ میں گوجرانوالہ کے کھلاڑیوں کی دوسری پوزیشن

گو جرانوالہ (نمائندہ خصوصی)پنجاب گیمز لاہور میں ہونیوالے مارشل آرٹس کراٹے تیکوانڈو ریسلینگ ’’جوڈو‘‘ میں گوجرانوالہ کے کھلاڑیوں نے نمایاں کارکردگی کا مظاہرہ کرتے ہوئے دوسری پو زیشن حاصل کر لی ، کھلاڑیوں کے اعزازمیں گوجرانوالہ تیکوانڈو ایسوسی ایشن کے سیکرٹری منیر حیدر ،سید قمر شکیل نے پارٹی کا اہتمام کیا جس میں تما م میڈلز ہولڈر کھلاڑیوں نے شرکت کی کھلاڑیوں کا استقبال  ڈھول کی تھاپ پر کیا گیاجبکہ کوچز کو ہار اور کیش پرائز بھی دیے گئے، اس موقع پر مقررین نے خطاب کرتے ہوئے کہا کہ گوجرانوالہ کی مٹی بڑی زرخیز ہے ریسلنگ میں ورلڈ رینک کے ٹائٹل بھی گوجرانوالہ کے پاس ہیں اور خوشی کی بات یہ ہے کہ تیکوانڈو کے چار کھلاڑی ایشین  تیکوانڈو چیمپین شپ میں حصہ لے رہے ہیں جو ہمارے لئے بڑے اعزاز کی بات ہے ۔