آزادی مارچ کے استقبال کیلئے قد آور بل بورڈز ، بینرز،فلیکسز آویزاں

گکھڑمنڈی(نامہ نگار)شوگر ملز چوک راہوالی جی ٹی روڈ پر آج عمران خان کے آزادی مارچ کے استقبال کے لیے ٹائیگرز کی طرف سے قد آور بل بورڈز ، بینرز،فلیکسز آویزاں کرکے دلہن کی طرح سجایا گیا اپنے قائد عمران خان کے خطاب کے لیے بڑے کنٹینر کاانتظام بھی کرلیا گیا جس پر آج تحریک انصاف کے چیئرمین و دیگر قائدین استقبال کے لیے آئے ہوئے عوام سے خطاب کریں گے، پی پی 53کے صدر چوہدری محی الدین وڑائچ، سابق ٹکٹ ہولڈرز پی پی 53چوہدری جمال ناصر چیمہ، این اے 74میاں طارق محمود، شیخ نعیم ہاشمی، شیخ ندیم اختر ہاشمی، ارشاد احمد ہاشمی،چوہدری طاہر رشید باجوہ، کینٹ تنظیم کے جنرل سیکرٹری عمران بیگ، تحصیل نائب صدر چوہدری طارق وڑائچ، کریم حسن بھنڈر، صابر شبیر چیمہ و دیگر عہدیداران و کارکنان سارا دن جی ٹی روڈ اور شوگر ملز چوک میں اپنے قائد کے پرتپاک استقبال کے لیے تیاریوں میں مصروف رہے۔