ورلڈ کپ: جنوبی افریقہ نے نیوزی لینڈ کو 190رنز سے شکست دیدی 

لاہور(سپورٹس رپورٹر)آئی سی سی ورلڈکپ کے 32 ویں میچ میں جنوبی افریقہ نے نیوزی لینڈ کو190رنز سے شکست دیدی ۔ پونے میں کھیلے گئے میچ میں نیوزی لینڈ نے ٹاس جیت کر جنوبی افریقہ کو بیٹنگ کی دعوت دی۔جنوبی افریقہ نے4 وکٹوں پر357 رنز بنائے۔ اننگز کا آغاز کپتان ٹمبا باووما اور اوپننگ بیٹر کوئنٹن ڈی کوک نے کیا لیکن باووما 24 رنز بنا کر آو¿ٹ ہوگئے۔ کوئنٹن ڈی کوک اور وینڈر ڈوسین نے 200 رنز کی شراکت بنائی۔کوئنٹن ڈی کوک کی رواں ورلڈکپ میں چوتھی جبکہ ڈوسین کی دوسری سنچری ہے۔ وینڈر ڈوسین نے 133 جبکہ ڈی کوک 114 رنز بناکرآو¿ٹ ہوئے جبکہ ڈیوڈ ملر نے 30 گیندوں پر 53 رنز کی اننگز کھیلی۔ہینرک کلاسن7 گیندوں پر 15 اور مارکرم 6 رنز بناکر ناقابل شکست رہے۔ ٹم ساو¿تھی نے دو جبکہ ٹرینٹ بولٹ اور جیمز نیشم نے ایک ایک کھلاڑی کو آو¿ٹ کیا۔نیوزی لینڈ کی ٹیم 35.3اوورز میں 167رنز پر ڈھیر ہوگئی ۔ 8کھلاڑی ڈبل فگر میں بھی داخل نہ ہوسکے ۔ ول ینگ 33‘ڈیرل مچل 24اور گلین فلپس60رنز بناکر نمایاں رہے ۔ کاشیو مہاراج نے چار ‘مارکو جانسن نے تین ‘گیرالڈ کوئٹزی نے دو جبکہ کاگیسو ربادا نے ایک وکٹ حاصل کی ۔ وینڈر ڈوسین کو میچ کا بہترین کھلاڑی قرار دیا گیا ۔