لاہور(نامہ نگار)سی سی پی او بلال صدیق کمیانہ نے کہا ہے کہ رواں سال اسلحہ کی نمائش کے116مقدمات درج ہوئے جبکہ ناجائز اسلحہ رکھنے والے قانون شکن عناصر کے خلاف کریک ڈاو¿ن کے دوران 8097مقدمات درج کئے گئے ہیں۔اسلحہ کی نمائش اور ناجائز اسلحہ رکھنے والے ملزمان سے89 کلاشنکوف،561رائفلز،339 گنز،7126پسٹلزجبکہ115187گولیاں برآمد کی گئی ہیں۔قمار بازی کےخلاف 1267مقدمات درج اور 5194ملزمان کو گرفتارکرکے 24کروڑ 06لاکھ 72ہزار سے زائد کی رقم برآمد کی گئی جبکہ گداگری کے 5128 مقدمات درج کرکے5463ملزمان کو گرفتار کیا گیا۔جن میں 5246مرد،147عورتیں جبکہ 70سہولت کار شامل ہیں۔ ساو¿نڈایکٹ کی خلاف ورزی پر 1046مقدمات درج کرکے 3096ملزمان کو گرفتار کیا گیا ہے۔ون ویلرز کےخلاف کارروائی عمل میں لاتے ہوئے 2712 مقدمات درج اور2977ملزمان کو گرفتار کرکے جیل بھجوایا گیا ہے۔