قومی ویمنز کرکٹ ٹیم ‘بنگلہ دیش الیون کے خلاف ون ڈے پریکٹس میچ آج ہوگا

لاہور(سپورٹس رپورٹر)پاکستان ویمنز کرکٹ ٹیم شیر بنگلہ نیشنل سٹیڈیم پہنچ گئی۔پاکستان ویمنز کرکٹ ٹیم نے گزشتہ روز دوپہر میں ٹریننگ سیشن میں حصہ لیا۔پاکستان ویمنز کرکٹ ٹیم آج شیر بنگلہ نیشنل سٹیڈیم میں بنگلہ دیش الیون کےخلاف ون ڈے پریکٹس میچ کھیلے گی۔پریکٹس میچ مقامی وقت کے مطابق صبح ساڑھے نو بجے شروع ہوگا۔پاکستان اور بنگلہ دیش کے درمیان تین ون ڈے انٹرنیشنل میچوں کی سیریز کا آغاز چار نومبر سے ہوگا۔ون ڈے انٹرنیشنل سیریز کا دوسرا اور تیسرا میچ سات اور دس نومبر کو کھیلا جائےگا۔تین ون ڈے میچز آئی سی سی ویمنز چیمپئن شپ کا حصہ ہیں۔