تیزرفتاری کے باعث بس  الٹ گئی‘10 طالبات زخمی

بھکھی (نمائندہ نوائے وقت ) گزشتہ روز طالبات کو لے جانے والی بس ڈرائیور کی غفلت اور تیزرفتاری کے باعث ننکانہ روڈ پر الٹ گئی جس کے نتیجہ میں 10 طالبات شدید زخمی ہو گئیں جنہیں فوری ریسکیو کی ٹیموں نے ہسپتال منتقل کیا جہاں سے واربرٹن محلہ عید گاہ کے رہائشی محنت کش مہر طارق آرائیں کی بیٹی جو کہ سافٹ وئیرانجینئر کی طالبہ ہے تحریم طارق کا بائیاں بازو جسم سے کٹ کر علیحدہ ہو گیا جسے میو ہسپتال لاہور ریفر کردیا گیا جس کی حالت تاحال تشویشناک بتائی جارہی ہے ۔ شہریوں نے وزیراعلیٰ پنجاب سے مطالبہ کیا ہے کہ طالبہ کے علاج معالجہ کیلئے اقدامات کئے جائیں ۔