گوجرانوالہ(نمائندہ خصوصی)گوجرانوالہ کرکٹ کلب آف دی بلائینڈ کا جنرل باڈی اجلاس منعقد ہوا۔جس میں آئندہ 3سال کیلئے 7رکنی ایگزیکٹو کمیٹی کا انتخاب کیا گیا۔انتخابات میں الصفہ ویلفیئر مرکز فاردی بلائینڈ گروپ کے مزمل ریاض صدر،چوہدری مدثر نائب صدر،عدنان محمود جنرل سیکرٹری،سیف علی فنانس سیکرٹری،شفاقت علی سیکرٹری نشرواشاعت، امیر حمزہ اور طیب رحمانی ایگزیکٹو ممبر بلا مقابلہ منتخب کرلئے گئے،اس موقع پر نومنتخب ایگزیکٹو کمیٹی کے عہدیداران کا کہنا تھا کہ وہ گوجرانوالہ ڈویژن میں نہ صرف نابینا افراد کی کرکٹ کو فروغ دیں گے بلکہ ان کی تعلیم و تربیت اور ملازمت کے حصول کیلئے بھی کوشاں رہیں گے۔انتخابات میں الیکشن کمیشن کے فرائض پاکستان بلائینڈ کرکٹ کونسل کے نمائندہ اے زیڈ چغتائی نے ادا کیے۔ایگزیکٹو کمیٹی انتخابات میں تمام عہدیداران کو بلا مقابلہ منتخب ہونے پر الصفہ ویلفیئر مرکز فاردی بلائینڈکے وائس چیئرمین عبدالرحیم،منیجر ارشد علی مغل،انچارج شعبہ خواتین ثروت نسرین نے مبارکباد پیش کرتے ہوئے نیک تمناؤں کا اظہار کیا۔اس موقع پر منتخب ہونے والے گروپ کے حامی نابینا افراد نے ڈھول کی تھاپ پر بھنگڑے ڈالے اور تمام لوگوں میں مٹھائیاں تقسیم کی گئیں۔