ڈپٹی کمشنر ذوالفقار علی بھون کی کارکردگی، پنجاب بھر میں پہلی پوزیشن 

نوشہرہ ورکاں، قلعہ دیدار سنگھ (نمائندہ خصوصی +نمائندہ نوائے وقت) ڈپٹی کمشنر ذوالفقار علی بھون کی کارکردگی کے لحاظ سے پنجاب بھر میں پہلی پوزیشن، وزیر اعلیٰ پنجاب  مریم نواز شریف نے تعریفی سرٹیفکیٹ سے نوازا، عوامی حلقوں کی ذوالفقار علی بھون کو مبارکباد تفصیلات کے مطابق ڈپٹی کمشنر بہاولنگر ذوالفقار علی بھون نے 10 مارچ سے 10 اکتوبر تک پنجاب بھر میں بہترین کارکردگی کا مظاہرہ کرتے ہوئے اول پوزیشن حاصل کی جس پر وزیر اعلیٰ پنجاب مریم نواز شریف نے انہیں تعریفی سرٹیفکیٹ سے نوازا اس کامیابی پر چوہدری ظہیر اکرم گورائیہ صدر بار، چوہدری محمد آصف مٹو چیئرمین یونین کونسل، اقبال صدیق سدھو صدر پاکستان فیڈرل یونین آف جرنلسٹس، چوہدری حسیب عارف سراء سمیت علاقہ نوشہرہ ورکاں کے سیاسی سماجی حلقوں نے ذوالفقار علی بھون کو مبارکباد دیتے ہوئے ان کے روشن مستقبل کے لئے نیک تمناؤں کا اظہار کیا ہے یہ اعزاز ذوالفقار علی بھون کی قائدانہ صلاحیتوں کا منہ بولتا ثبوت ہے اس موقع پر انہوں نے کہا کہ میں آئندہ بھی پہلے سے بڑھ کر مزید جذبہ اور لگن سے حکومتی وژن کے مطابق عوامی خدمت کے سفر کو جاری رکھوں گا۔