لاہور(سپورٹس رپورٹر)پاکستان کے سابق کپتان بابراعظم کا بیٹ میلبورن کرکٹ گراونڈ کے لانگ روم میں رکھا جائیگا۔ ایم سی جی حکام نے بابراعظم کو لانگ روم کیلئے بیٹ عطیہ کرنے کو کہا جس کے بعد بابر نے 2022 ء کے ٹی ٹونٹی ورلڈکپ فائنل میں استعمال ہونیوالا بیٹ عطیہ کردیا۔بابراعظم کا بیٹ میلبورن کرکٹ گراونڈ کے لانگ روم میں رکھا جائیگا۔ایم سی جی لانگ روم میں ڈان بریڈ مین، ڈیوڈ بون، جیک ہوبز اور برائن لارا کے بیٹ بھی نمائش کیلئے موجود ہیں۔ بابراعظم نے کہا کہ میرے لیے یہاں کے لانگ روم میں بیٹ رکھنا اعزاز کی بات ہے، ایم سی جی سے میری کافی یادیں وابستہ ہیں۔