برج  اٹاری: پولیو ٹیم پر حملہ‘ ملازم اغوا‘ سیکھم میں قطرے پلانے سے روکنے کی کوشش

فیروزوالہ (نامہ نگار) برج اٹاری میں متعدد افراد نے پولیو ٹیم پر حملہ کر کے اس کے رکن احسان احمد کو اغوا کر لیا۔ اطلاع  پر تھانہ فیکٹری ایریا پولیس کی بھاری نفری گاؤں برج اٹاری پہنچ گئی اور اغوا کاروں کا تعاقب کر کے احسان احمد کو باز یاب کروا لیا۔ پولیس حکام کا مطابق احسان احمد بنیادی مرکز صحت برج اٹاری کا ملازم ہے اور گاؤں فتو والا کار ہاشی ہے جس کو ہاشم علی چوہان زمیندار اور اس کے ساتھیوں نے دیرینہ عداوت کی بنا پر اغوا کیا تھا۔ دریں اثناء تھانہ صدر کے علاقہ سیکھم میں دو افراد طارق عظیم اور مطلوب حسین اعوان نے بچوں کو قطرے پلانے والی ٹیم کے انچارج عبدالعزیز کو کہا قطروں میں کیمیکل ملا ہوا ہے جو خطرناک ہے جس کی وجہ سے ہم بچوں کو ہرگز قطرے نہیں پلانے دیں گے۔  پولیس کے آنے پر ملزم فرار ہو گئے۔ پولیس نے مقدمہ درج کر لیا۔