بوئنگ 737طیارہ بذریعہ موٹر وے کراچی سے حیدرآباد پہنچا دیا گیا

حیدرآباد (بیورو رپورٹ) کراچی سے بذریعہ موٹر وے بوئنگ 737طیارہ ایک بڑے ٹرالر پر لوڈ کر کے جمعہ کو دوپہر میں سول ایوی ایشن ٹریننگ انسٹیٹیوٹ ایئر پورٹ حیدرآباد پہنچا دیا گیا جہاں یہ تربیتی مقاصد کے لئے استعمال ہو گا۔ شاہین ایئر لائن کا ناکارہ بوئنگ 737طیارہ گذشتہ رات کراچی سے ٹرالر جہاز لے کر روانہ ہوا تھا۔  کراچی میں اس کے انجن، ٹائر، پر اور دیگر پرزہ جات و مشینری نکال لئے گئے تھے جو جلد حیدرآباد منتقل کئے جائیں گے اور دوبارہ طیارے میں لگائے جائیں گے۔ جہاز کی بذریعہ سڑک منتقلی دیکھنے شہری سڑکوں پر نکل آئے بچوں بڑوں سب نے سیلفیاں بنائیں اور عملے کا شاندار استقبال کیا۔