گورو نانک جنم دن کی  تقریبات، یاتری  انگلینڈ سے ننکانہ پہنچ  گئے، شاندار استقبال

ننکانہ صاحب (نامہ نگار) بابا گورو نانک کے 555 ویں جنم دن کی تقریبات میں شرکت کے لئے  انگلینڈ سے پوٹھوہار ایسوسی ایشن کا 27 رکنی وفد گوردوارہ جنم استھان پہنچ گیا۔ سکھ یاتری وفد کی سردار بھوپندر سنگھ نے  قیادت کی۔ گورودورہ جنم استھان کے کیئر ٹیکر عمران نبی نے سکھ یاتریوں کا شاندار استقبال کیا۔ پارٹی لیڈر سردار بھوپندر سنگھ سمیت دیگر سکھ یاتریوں نے گوردوارہ جنم استھان میں مذہبی رسومات ادا کیں۔ انہوں  نے کہا پاکستان آنے کا خواب پورا ہونے پر ہماری خوشی ناقابل بیان ہے۔ شاندار استقبال  اور بہترین سکیورٹی  فراہم کرنے پر حکومت پاکستان، متروکہ وقف املاک بورڈ اور ضلعی انتظامیہ کا شکریہ ادا کرتے ہیں۔ پاکستان پرامن ملک ہے، یہاں سکیورٹی کا کوئی مسئلہ نہیں ہے۔