ایکواڈورمیں ُپرتشدد واقعات کا سلسلہ گزشتہ روز اس وقت شروع ہوا تھا جب حکومت نے فوج اور پولیس سمیت سرکاری ملازمین کی مراعات میں کمی کردی ۔  اس فیصلے کے بعد پولیس کے ایک گروپ نے بغاوت کردی جبکہ فوج بدستور حکومت کے ساتھ ہے ۔ ادھر ملک بھر میں احتجاج کرنیوالے پولیس اہلکاروں اور فوج کے درمیان جھڑپیں جاری ہیں  ۔ دارالحکومت کیوٹو میں فوج نے دو پولیس افسران کو گولی ماردی جبکہ فائرنگ سےایک شہری بھی ہلاک ہوگیا ۔ ایک اورشہر میں صدر رافیل کوئرا کے حامیوں اور مخالفین میں تصادم سے پانچ افراد ہلاک ہوگئے ہیں ۔ حکام کے مطابق پرتشدد واقعات میں دو سو پچھتر کے قریب افراد زخمی ہوئے ہیں جن میں سے پچاس کی حالت نازک ہے ۔ ادھر لاطینی امریکہ کے ممالک کی تنظیم کے سیکرٹری جنرل جوز میگوئل انسولزا ایکواڈور پہنچ گئے ہیں جہاں وہ صدر رافیل کوئرا سے ملاقات کریں گے ۔ تنظیم نے صدر رافیل کو مکمل حمایت کا یقین دلایا ہے ۔