مستونگ سے دو ٹرک ڈرائیور اغوائساتھیوں نے شاہراہ بلاک کردی

 کوئٹہ (نوائے وقت نیوز) بلوچستان کے ضلع مستونگ کے علاقے منگوچر سے کوئٹہ آنےوالے دو ٹرک ڈرائیوروں کو اغواءکرلیا گیا۔ واقعہ کےخلاف احتجاج کرتے ہوئے مشتعل ٹرانسپورٹرز نے کوئٹہ کراچی شاہراہ بلاک کردی۔ پولیس ذرائع کے مطابق سبزی سے بھرے دوٹرک منگوچر سے کوئٹہ آرہے تھے کہ مستونگ کے قریب پش کرم کے مقام پر نامعلوم افراد نے ٹرک ڈرائیور وں کو اغواءکرلیا جس پر ٹرانسپورٹرز نے مشتعل ہو کر کوئٹہ کراچی شاہراہ احتجاجاً بند کردی۔ شاہراہ بند ہونے کے باعث کراچی سے کوئٹہ آنےوالی مسافر کوچوں اور دیگر ٹریفک کو مشکلات کا سامنا ہے۔