پاکستان آرمی لاہور گریژن نے زلزلہ متاثرین کیلئے ریلیف کیمپ قائم کردیئے

لاہور(خبر نگار)پاکستان آرمی لاہور گیریژن کی جانب سے بلوچستان میں حالیہ زلزلے سے متاثرہ افراد کے لئے امدادی سامان اکٹھا کرنے کے لئے گیارہ سے زائد آرمی ریلیف کیمپ قائم کر دئیے گئے ہیں۔ یہ کیمپ فورٹریس اسٹیڈیم ، ایو ب اسٹیڈیم ائر پورٹ روڈ لاہور ،  والٹن روڈ ، آراے بازار کینٹ، محفوظ شہید گیریژن ، چونیاں کینٹ اور ڈی ایچ اے میں مسجد چوک ، وطین چوک، فیز۴، y بلاک اور خیابان ِ جناح پر قائم کئے گئے ہیں۔ مخیر حضرات سے اپیل ہے کہ وہ زلزلہ زدگان بلوچستان کے لئے اشیاء خوردونوش، پینے کا صاف پانی، خیمے اور نقدی وغیرہ کے لئے اپنے عطیات اِن کیمپوں میں جمع کرائیں۔