حافظ آباداورمختلف شہروں میں حالات سے دلبرداشتہ 2 خواتین سمیت7 افراد کی خودکشی

لاہور (نمائندگان) مختلف واقعات میں 2 خواتین سمیت 7 افراد نے زندگی ختم کرلی۔ حافظ آباد جلالپور بھٹیاں میں بلال نے پسند کی شادی نہ ہونے پر اپنے سر میں گولی مار کر خودکشی کرلی۔ جڑانوالہ میں شادی شدہ خاتون اقصیٰ نے گھریلو جھگڑے پر گندم والی گولیاں نگلیں۔ تاندلیانوالہ میں 65 سالہ ذہنی مریض نے ٹرین کے نیچے آکرخودکشی کرلی۔ فرسٹ ائر کی طالبہ 16 سالہ (ت) نے والدہ سے جھگڑکر زہریلی گولیاں نگل لیں۔ اوکاڑہ میںشادی شدہ عمر حیات جبکہ نوجوان وقاص گھریلو ناچاقی پر پھندے سے لٹک گیا۔ ساہیوال میں گھریلو تنازعہ پر دکاندار ظہیر احمد نے زہر کھا لیا۔