نواز شریف زرعی یونیورسٹی کے شعبہ اگرانومی کے زیراہتمام 2 روزہ انٹرنیشنل کانفرنس 8 ‘9 اکتوبر کو ہو گی

ملتان (نمائندہ نوائے وقت) نواز شریف زرعی یونیورسٹی کے شعبہ اگرانومی کے زیر اہتمام دو روزہ انٹر نیشنل کانفرنس بعنوان "ماحولیاتی تبدیلیوں کے تناظر میں اکیسویں صدی کی جدید زراعت " اکتوبر 8اور9 بروز سوموار اور منگل کو جامعہ میں منعقد کی جائے گی۔ انٹرنیشنل کانفرنس میں امریکہ ،چائنہ ، جرمنی ، ایران ، ترکی ، سویڈن اور بیلجیم کے زرعی سائنسدان شرکت کرینگے ۔ کانفرنس میں ماحولیاتی تبدیلیوں کے پیش نظر زراعت کو درپیش مسائل اور ان کے تدارک پر سیر حاصل گفتگو ہو گی ۔ کانفرنس کا افتتا ح صوبائی وزیر زراعت پنجاب ملک نعمان احمد لنگڑیال کرینگے جبکہ اختتامی تقریب کے مہما ن خصوصی صوبائی وزیر برائے جنگلات ، ماہی پروری اور جنگلی حیات محمد سبطین خان ہوں گے ۔