قطرکی جانب سے یورپی،امریکی اعلیٰ عہدیداروں اورسٹارزکی ای میل ہیکنگ کا انکشاف

دوحہ(این این آئی)قطر نے امریکی صدر ڈونلڈ ٹرمپ کے قریبی دوستوں سمیت 1200 سے زیادہ امریکیوں ، یورپی ممالک کے انسداد دہشت گردی کے حکام ، عرب رہ نماؤں ، فٹ بال کے بین الاقوامی کھلاڑیوں اور بالی ووڈ کی اداکاروں کی برقی مراسلت میں نقب زنی کی ہے۔میڈیارپورٹس کے مطابق اس بات کا انکشاف قانونی دستاویزات ، ٹیکنیکل رپورٹوں اور امریکا کی مرکزی خفیہ ایجنسی سی آئی اے کے سابق اہلکاروں کے بیانات سے ہوا ۔ قطر نے چار براعظموں شمالی امریکا ، یورپ ، افریقا اور ایشیا سے تعلق رکھنے والی سرکردہ شخصیات کی ای میلز ہیک کی ہیں ۔