سرینگر (نوائے وقت رپورٹ) بھارتی ویب سائٹ نے مقبوضہ کشمیر میں شرمناک ہتھکنڈوں کا پول کھول دیا۔ نیوز کلک کے مطابق سرینگر پولیس نے خوف و دہشت کا بازار گرم کر رکھا ہے۔ نشے میں دھت پولیس اہلکار راتوں کو گھروں میں کودتے ہیں۔ پولیس اہلکار خواتین سے بدتمیزی کرتے ہیں۔ خواتین کا کہنا ہے کہ پولیس اہلکار خاردار تاروں کے قریب سے گزرنے پر مجبور کرتے ہیں۔ خاردار تاروں میں الجھ کر کپڑے تار تار ہو جاتے ہیں۔